Tributes | Files | Interactive | Lists | Specials
Lebanon Foreverإحكيلي إحكيلي عن بلدي إحكيلي - الأخوين رحباني
إحكيلي إحكيلي عن بلدي إحكيلي
يا نسيم اللي مارق عالشجر مقابيلي
عن أهلي حكايي عن بيتي حكايي
و عن جار الطفولي حكايي طويلي
يا نسيم اللي مارق عا أرض الغار
حلفتك تجي تلعب عندي بهالدار
خبرني انكان بعدو بيذكرني
ببلدي و عالسهرة ناطرني
ساعات الفرح القليلي حبيبي إحكيلي
حلفتك خبرني كيف حال الزيتون
و الصبي و الصبيي بفيي الطاحون
و اللوزي و الأرض و سمانا
هو هني بلدنا و هوانا
زهر الأيام البخيلي حبيبي إحكيلي
رجعت العصفورة - الأخوين رحباني
رجعت العصفورة تعشش بالقرميد
و السوسني رجعت تزهر من جديد
إجت الشتويي تجمعو العشاق
رجعت المدارس أطفال تلج و عيد
و طلع السماق و مد جنا حو
بس اللي راحوا راحوا
بالدفاتر عندي أسامي غياب
أصحابا تركوها صارت بلا صحاب
يوسف الكندرجي صبحي بياع الكاز
و أمين البواب اللي انقتل عالباب
أساميهن عندي و هني راحوا
و كل اللي راحوا راحوا
قالوا كتير و كتبوا كتير
و مراكب دمع و عواطف حرير
وصلت القصايد لآخر الدنيي
القصايد المجروحة لآخر الدنيي
قالوا تهدم وطن الهدير
وطن الزمان اللي علم و بني
و بكيت الدنيي بكيت الدنيي
لكن رح نرجع رح نرجع رح نرجع
رح نرجع من حرايق رح نرجع من شوارع
هدمتها المدافع رح نرجع رح نرجع
و لبنان الحقيقي جايي لبنان البساطة جايي
تايشيل الوجوه المصبوغة الوعود المدموغة
و ياخدهن الشتي
بفيي البواب عم تكبر الطفولة
عم تكبر البطولة عم تلمع الساحات
يا وطني العظيم نهر الفرح والع
و بضو الفجر الطالع تتوهج الحياة
وطني - الأخوين رحباني
وطني يا جبل الغيم الأزرق
وطني يا قمر الندي و الزنبق
يا بيوت البيحبونا يا تراب اللي سبقونا
يا زغير و وسع الدنيي يا وطني
و طني يا دهب الزمان الضايع
وطني من برق القصايد طالع
أنا على بابك قصيدي كتبتها الريح العنيدي
أنا حجرة أنا سوسني يا وطني
جيراني بالقنطرة تذكروني و بلابل القمرة يندهوني
شجر أراضيك سواعد أهلي ششجروا
و حجار حفافيك وجوه جدودي العمروا
و عاشوا فيك من ميت سني من ألف سني من أول الدنيي
وطني وحياتك و حياة المحبي
شو بني عم أكبر و تكبر بقلبي
و أيام اللي جايي جايي فيها الشمس مخبايي
أنت القوي أنت الغني و أنت الدني يا وطني
في قهوة عالمفرق - الأخوين رحباني
في قهوة عالمفرق في موقدة و في نار
نبقى أنا و حبيبي نفرشها بالأسرار
جيت لقيت فيها عشاق اتنين زغار
قعدوا على مقاعدنا سرقوا منا المشوار
يا ورق الأصفر عم نكبر عم نكبر
الطرقات البيوت عم تكبر عم تكبر
تخلص الدنيي و ما في غير يا وطني
يا وطني أه بتضلك طفل زغير
متل السهم الراجع من سفر الزمان
قطعت الشوارع ما ضحكلي انسان
كل أصحابي كبروا و أتغير اللي كان
صاروا العمر الماضي صاروا دهب النسيان
زنوبيا - الأخوين رحباني
زنوبيا زنوبيا اسمعي يا زنوبيا اسمعي
أبواق الرومان عم تعلن نهاية تدمر
تدمر يا نجمة المشارق
حاصرتك روما و أستشهدوا أبطالك
لبصرى عم يسمع نحيبك يا طفلة الممالك
أهربي يا زنوبيا أهربي أهربي
وين العربيي ويني و الممر السريي وينيي
و كرام الدراويش ويني و لا تذلك روما زنوبيا أهربي
لأ إذا أنا بهرب الأرض ما بتهرب
كل شي عم يهرب
المملكي السعيدي طفلة الممالك هربت من إيدينا
خمس سنين حكمت زنوبيا بنيت حضارة ثارت على روما
خمس سنين با غفلة سريعة يا خمس سنين
خمس سنين ميت سني بيمروا متل الطير
بياكلهن الزمان زمان اللي بياكل كلس الحيطان
بس اللي بيبقى الوحدو بيبقى شرف الوقفة صرخة بوجي الظلم
انهدم البرج انكسر السور العسكر هاجم صوب الملكي متل الأطفال اللي بدن يتخطافوا اللعبي
أهربي يا زنوبيا أهربي يا زنوبيا
و إنتو؟
نحنا منبقى نحنا عشب الأرض
و العاصفي بتمرق فوق بتكسر الورد العالي
وردة إنتي و العاصفي جايي تاخدك إنتي
أنا زنوبيا ملكة المملكي النبيلي لأجل الحرية بختار الموت عطوني كاس الموت
الملكي العظيمي رفضت الظلم و اختارت الموت اختارت النسيان
ودعوا زنوبيا بموسم الدمع بصوت الفرح بورق الرمان
يا موت يا زهرة البطولي يا تاج الحياة و عطية المحبي الخجولي
يا موت هديني بإيدي خدني عا طرقات مفروشي بالنوم و سعيدي
و يا أهالي تدمر خمس سنين من العمر عشتوها أحرار
إلكن سما و هويي و اللي سكن الحريي اليوم انهار ما بقى تقدر روما تسلب منو الحريي
كاسك يا موت
أورليانوس الأمبراطور
زنوبيا ما إلك مهرب من روما حتى بالموت
أورليانوس أنا برفض روما و سيطرة روما
إنتي اتمردتي
نحنا عم نتحرر
و عارفي مصيرك؟
عارفي مصيري بساحات روما مكبلي بالحديد
أمشي بالشوارع مغلوبي أسيرة يتفرجوا الناس عالملكي الأسيرة
اللي بدو يصير ما عاد يهم أنا لعبت الدور و الدور المهم
لا تخدعي الناس صارحي الناس قوليلن انكسرتي
أورليانوس الإنكسار بيمضى و الإنتصار بيمضى
و بكرا بالإيام تدمر اللي انكسرت و روما اللي انتصرت تنينتهن حجار
و أنت و أنا تمثالين بساحة الأثار
لكن بكل زمان و مكان بدا تطلع روما تطغي و تظلم و بدا تطلع تدمر ترفض الظلم
و بآخر الآخر بسهول الزمان تنتصر تدمر تدمر الحريي تدمر الصرخة اللي بقلب الإنسان
كبلوا زنوبيا خدوها على روما
تتقدم أجسامنا يحصدها السيف الحاصد
تتمدد أيامنا ينهبها الوقت الراصد
إذا مننسى زنوبيا أو صرخة زنوبيا
لوحوا بإيديكن ودعوا زنوبيا
قولوا للشعرا يكملوا الأشعار
قولوا للثوار يضلهن ثوار
المملكي تدمر انتهت من الأرض
صارت بالقلوب صارت بالمدار
صارت الصرخة و صارت النار
أورليانوس عجل خدني على روما عليت الصرخة كبرت على الموت
لاعسكرك أورليانوس و لا قوة روما و لا كل روما بالدهر بتسكت هالصوت
قصيدة لبنان - سعيد عقل
من أين يا ذا الذي استسمته أغصان من أين أنت فداك السرو و البان
إن كنت من غير أهلي لا تمر بنا أو لا فما ضاق بإبن الجار جيران
و من أنا لا تسل سمراء منبتها في ملتقى ما ألتقت شمس و شطآن
لي صخرة علقت بالنجم أسكنها طارت بها الكتب قالت تلك لبنان
توزعتها هموم المجد فهي هوى وكر العقابين تربى فيه عقبان
أهلي و يغلون يغدو الموت لعبتهم إذا تطلع صوب السفح عدوان
من حفنة و شذا أرز كفايتهم زنودهم إن تقل الأرض أوطان
هل جنة الله إلا حيثما هنئت عيناك كل إتساع بعد بهتان
هنا على شاطئ أو فوق عند ربا تفتح الفكر قلت الفكر نسيان
كنا و نبقى لأنا المؤمنون به و بعد فليسع الأبطال ميدان
يا جبل الشيخ - الأخوين رحباني
يا جبل الشيخ يا قصر الندي
و حبيبي بكير لعندك غدي
يا جبل الشيخ رباك الهوا
و حبيبي و أنا ربينا عالهوى
و يا جبل العالي لو تعرف بحالي
هديت رياحك و قلبي ما هدي
يمرقوا و بيروح من عنا القمر
و على البال تعن ايام الزغر
يا لون اليمامي و يا تفاح الشامي
تعزمنا منقلك رح نجي غدي
ردني إلى بلادي - سعيد عقل
ردني إلى بلادي مع نسائم الغوادي
مع شعاعة تغاوت عند شاطئ و وادي
ردني إلى بلادى
مرة وعدت تاخذني قد ذبلت من بعادي
و أرمي بي على ضفاف من طفولة غدادي
نهرها ككف من أحببت خير الوصادي
لم تزل على وفاء ما سوى الوفاء زادي
حبني هنا حب الحب مالئاً فؤادي
شلح زنبق أنا إكسرني على ثرى بلادي
بدنا نكمل - الأخوين رحباني
غربة
هدتكن الإشاعات
فاجئتنا يا غربة
لما ودعتو اليأس و لفحتكن ريح الشمس رجعت إليكن تبني و تعمر
صوت أعيادكن خزق سمعهن فرح معاولكن بالأرض بشرهن بهدم براجن
حبوا يردوكن عاليأس
عم يقولوا بدن يعتقلوا ناس كتير
لا تخافوا ما في حبوسه تسع كل الناس
يعتقلوا كتير بيبقى كتير بللي بيبقوا رح منكمل
غمر الطوفان الأرض و رجعوها اللي بقيو
هدمت الحروب المدن و عمروها اللي بقيو
استعبدوا الظلام الناس حرروهن اللي بيقو
بدنا نكمل المشوار و قلال يكون منكمل بللي بقيو
بدنا نكمل بللي بقيو قلال قلال يكون شو هم منكمل بللي بقيو
كتار قلال منكمل بللي بقيو
يا هالناس يا أهلي أنا و بالأرض الغريبي
همومكن كانت توصلي بكي ولادكن بالليل كان يصرخلي
أنا و بالأرض الغريبي حزنكن ربي معي
حزنكن حرسني حفظني كبرني و حزنكن رجعني
لوحلي من الغيم حاكاني من الصيف
ندهني من تموز من ذل الإنتظار بالمدن الغريبي
و كانت أصواتكن تندهلي
أه
