Lyrics | Articles | Contents
Tributes | Files | Interactive | Lists | Specials

You can find which albums these songs can be found in by checking the song lists in the lists section.




البعلبكية - بعلبك: أنا شمعة على دراجك - الأخوين رحباني
بعلبك أنا شمعة على دراجك، وردة على سياجك، أنا نقطة زيت بسراجك
بعلبك يا قصة عز علياني بالبال حلياني يا معمرة بقلوب و غناني
هون نحنا هون لوين بدنا نروح يا قلب يا مشبه بحجارة بعلبك عالدهر عاسنين العمر
هون نحنا هون و ضو القمر مشلوح عا أهلنا الحلوين عابيوت غرقانين بالعطر بغمار الزهر
هون رح نبقى نسعد و نشقى نزرع السجرة و حدا الغنيي و للدنيي نحكي حكاية إلهيي
و بعلبك بهالدهر مضويي عا إسمها السهرات مسميي

عودة العسكر - لا تخافي - بتتلج الدنيي - الأخوين رحباني
لا تخافي سالم غفيان مش بردان
نايم عا تلة بتضل تصلي و ناطر زهر اللوز بنيسان
بقلبو الإيمان و مغطى بعلم لبنان
بتتلج الدني بتشمس الدنيي و يا لبنان بحبك تاتخلص الدنيي
بحبك بعينيي و بقلك غنيي تلجك المحبي و شمسك الحريي
وطني يا حكايي بالعز مضوايي ليش هالقد بحبك يا غاية الغايي
بحبك يا عينيي لأنك غنيي تلجك المحبي و شمسك الحريي
و تضلك عالي و معمر و تضلك لبنان الأخضر
شعبك كلو جيشك كلو عاحدودك يوقفو العسكر

جسر القمر - سني عن سني - الأخوين رحباني
سني عن سني سني عن سني
عم تغلى عاقلبي يا عهد الولداني
يا حلو يا حبيبي الما ببيعك بالدني
و كل سني بحبك أكتر من سني
عم تهدل اليمامي و غرقني الحنين
حبك و إيامي و حكايات السنين
يا ورد يا نسرين يا تلج عاصنين
يا أول الجني يا خير السني
و نطرتك على بابي بليلة العيد
مرقوا كل صحابي و وحدك اللي بعيد
شو نسيت المواعيد و هدية العيد
سألني شو بني بأول هالسني

الليل و القنديل - عتم يا ليل - الأخوين رحباني
عتم يا ليل عتم أكتر
خلي قناديلنا تضوي أكتر
زغيري قناديلنا و الليل كبير
لم بتضويلنا بنوصل بكير
يا قمر ضلك غايب حلفتك بالحبايب
حتى ضويتنا تسهر و يصيرلا رهجة أكتر
و الدنيي غافلة و القمر غاب
تقشعني واصلة عم دق الباب
و بتسأل كيف طلعتي بهالعتمة و ما فزعتي
قولي القنديل منور صار فينا نسهر أكتر
مين هي الطالعة بهاك الحي
كن مناش قاشعة ضو و لا شوي
يا منتورة زورينا من بالك لا تشيلينا
في عنا بيت زغير بيساع الكل و أكتر

أيام فخرالدين - غرب الحسون - الأخوين رحباني
غرب الحسون و الزنبق تكي
و تشرين عم يجمع الزهر الليلكي
ما عاد تحرز هيك قلك شو بني
كترت قصصنا و ما بقى يساع الحكي

أيام فخرالدين - يا ماريا - الأخوين رحباني
يا ليل يا ليل
يا ليلي يا عيني يا ليلي يا ليل
يا ماريا يا مسوسحة القبطان و البحرية يا مسوسحة القبطان
يا ماريا يا طالعة من البحر ردي عليا يا طالعة من البحر
قالوا بنية بعيونها نيسان عم يتفيا بعيونها نيسان
جننتيني يا بنت يا سمرا و جننتيني يا بنت يا سمرا
ما تنسيني بحيكن سهران لا تنسيني بحيكن سهران .. أه
يا ماريا ... يا ماريا

الشخص - سوى ربينا - الأخوين رحباني
سوى ربينا سوى مشينا سوى قضينا ليالينا
معقول الفراق يمحي أسامينا و نحنا سوى سوى ربينا
إنت و أنا درنا عاكل البواب
حبينا و كبرنا بموسم العناب
و نطرنا الجنى بليالي الجنى و قطفنا الفرح من علالينا
قولك بعد الرفقة و العمر العتيق
نوقع متل ورقة كل من عا طريق
و ينسانا السهر بليل السهر و يسألوا عنا أهالينا

الشخص - يا مين يديني - الأخوين رحباني
يا مين يديني يديني ميي
بكرا على العيد بردلو هيي
لو معي ميي برد العربيي أخ/أوف لو معي ميي
بعرف واحد بيدين لكن بفايدة كبيري
يخرب بيتو مش هين جمع أرباح كتيري
لولا بالميي عشرة كنا خدنا بهالحشرة
لكن صاحبنا ما بيقبل إلا بالميي ميي

هالة و الملك - لا لا يابا لا لا - الأخوين رحباني
لا لا يابا لالا أنا إسمي هالة
و جايي عالمديني بيع وجوه زيني و الزيني باعت حالا
وين إنتوا يا هالناس طلوا إشتروا مني
وين الفرح و الحراس و الصوت البيغني
بعد الليل و رجع الليل و بعدا الحلوة لحالا
إذا الليلة بعت كتير باخد كم هديي
لأختي فستان زغير و شي لعبة لخيي
بكرا الورد بشهر الورد بيلهي الصبيي بحالا
و لوه يا ناس وين الحراس
وين البدن يشتروا وين الناس يا ناس

جبال الصوان - يا دارة العلالي - الأخوين رحباني
للعرس للحب للعز للدار
يا دار يا دارنا حن الهوا فيكي
يا معودة عالوفا الله يعافيكي
بطلب تضلك سعيدي معززة يا دار
و بوابك مشرعة و الحب راعيكي
يا دارة العلالي يا مصورة بالغضب
عاجبهة الليالي إسمك ضوي و إنكتب
يا بنية العل الفرس و مشنشلة بالحلى
ينده عليكي الحرس لا تجرحي بالحلا
ناطورنا اللي غدي عالكرم قبل الندي
قلبو حكي ع الهوى و إهتز نهر القصب .. يا دارة العلالي
يا مزنرة بالخطر صوب السما تلفتي
عابيادرك و الشجر يربى هدير الشتي
أهل الوفا ميلوا عبيوتك اللي علوا
يا خصر دايب غوى تحت الحكي و العتب .. يا دارة العلالي
من فوق راس الجبل طلوا و عيدوا حدى
شعر الصبيي إنجدل رايي عا وجه المدى
طاب الرنين و غلي وصوت البشاير علي
و اللي إنكتب عالمجد بكل السيف إنكتب .. يا دارة العلالي

يعيش يعيش - يا رايح ع كفرحالا - الأخوين رحباني
يا رايح عاكفرحالا مروق بسوق العناب
في بنت بتنسى حالا هيي و على هاك الباب
خبرنا كيف حوالا يا رايح عاكفرحالا
عاشمالك في دكاني بتبيع مغازل صوف
و بنت بتقعد سهياني بتنطر تايجيها ضيوف
حلوي و الخصر بيلوي و ما بتعرف إنا حلوي
لا تفوقها على حالا بلكي شغلتلا بالا
بتعرفها من عينيها بيضللو تعبانين
و تتطلع عا إيديها عا خواتمها الحلوين
قرب خبرها عني بلكي زعلانه مني
و سرق لي إنت قبالا خيط زغير من شالا
و إن كان حالتها حالة و عا ريفا شفت دموع
قلا عينيها ببالي و هما بوجي مزروع
و تحرقني هاك الضحكة اللبدا تحكي و ما بتحكي
يا خوفي من خيالا و البعد يغيب حالا

صح النوم - مين ما كان بيتمرجل - الأخوين رحباني
مين ما كان بيتمرجل علينا
مين ما كان بيتنمرد علينا
بدنا نعرف شو سوينا
لا مرة إشتكينا و لا مرة إحتجينا و لا مرة إحتدينا
و لوه ليش ليش هالقسوة علينا
جابونا عاساحات البرد و قالوا وقفوا وقفنا
ندهونا من راس الجرد شوفوا القمر شفنا
صيفنا بعواطفنا و شجر الحيري يقطفنا
صرخوا جايي صرخنا جايي
خلصت الروايي و ما حسينا
عالباب اللي ما إلو باب قالوا إنطروا نطرنا
حبق و زهر و أغلى تياب و شرعنا قناطرنا
نطرنا و إستبشرنا و صار التعب يكسرنا
هتفوا بيوصل هتفنا بيوصل
و نسأل نسأل ما يردوا علينا

ناس من ورق - إذا الأرض مدورة - الأخوين رحباني
ولما القمر غاب و تغرب الليل
تغربوا الأحباب كل واحد بميل
و إذا الأرض مدورة يا حبيبي
رح نرجع نتلاقى يا حبيبي
نتلاقي بالبيت بفي القنطرة
إذا يا حبيبي الأرض مدورة

ناطورة المفاتيح - وينن - الأخوين رحباني
وينن ... وينن
وين صواتن وين وجوهن .. وينن
صار في وادي بيني و بينن .. وينن
ركبوا عربيات الوقت و هربوا بالنسيان
و تركوا ضحكات ولادن منسيي عالحيطان
تركولي المفاتيح، تركوا صوت الريح و راحوا ما تركوا عنوان
عشاق الطرقات إفترقوا لا حكي لا مواعيد
أنا وحدي صوت الشوارع أنا طير القرميد
هربت بهالليالي من مرابطها الخيل و أنا قنديل الحزن الوحيد

المحطة - ليالي الشمال الحزينة - الأخوين رحباني
ليالي الشمال الحزيني ضللي اذكريني اذكريني
و يسأل عليي حبيبي ليالي الشمال الحزيني
يا حبيبي أنا عصفورة الساحات
أهلي ندروني للشمس و للطرقات
لسفر الطرقات لصوتك يندهني مع المسافات
و يطل يحاكيني من الريح الحزيني
يا حبيبي و بحبك عا طريق غياب
بمدى لا بيت يخبينا و لا باب
خوفي للباب يتسكر شي مرة بين الأحباب
و تطل تبكيني ليالي الحزيني

المحطة - رجعت الشتوية - الأخوين رحباني
رجعت الشتويي رجعت الشتويي
ضل افتكر فيي ضل افتكر فيي رجعت الشتويي
يا حبيبي الهوى مشواير
و قصص الهوى متل العصافير
لا تحزن يا حبيبي إذا طارت العصافير
و غنيي منسيي عادراج السهريي
يا حبيبي الهوى غلاب
عجل و تعا سني ورا الباب
شتويي و ضجر و ليل و أنا عم بنطر على الباب
و لو فيي يا عينيي خبيك بعينيي

لولو - كانوا يا حبيبي - الأخوين رحباني
كانوا يا حبيبي تلج و صهيل و خيل
مارق عاباب الليل مارق عاباب الليل
كانت أصواتن تاخدنا مشوار صوب المدى و النار
حلفتك يا حبيبي لا تنسى يا حبيبي
لما بتسمع هالغنيي فكر فيي يا حبيبي
كانوا الخيالي تلج و صهيل و الخيل
مارق عاباب الليل مارق عاباب الليل

لولو - راجعين يا هوى - الأخوين رحباني
راجعين يا هوى راجعين يا زهرة المساكين
راجعين يا هوى على دار الهوى على نار الهوى راجعين
منودع زمان منروح لزمان ينسانا على أرض النسيان
منقول رايحين منكون راجعين على دار الحب و مش عارفين
مغرور يا هوى يا هوى مغرور يا حبيبي يا ورد على سور
نحنا العاشقين على طول عاشقين إنتوا بليالينا عايشين

لولو - نطرونا كتير - الأخوين رحباني
نطرونا كتير كتير عا موقف دارينا
لا عرفنا اساميهن و لا عرفوا اسامينا
عا موقف دارينا عا موقف دارينا
عالموقف ركاب و ليل و بنية مهيوبي
و شب يقلا صيف و ليل و تقلو مخطوبي
يا نسمة خدينا يا نسمة جبينا
عا موقف دارينا عا موقف دارينا
سيارة زغيري و الليل و الغيري
و العشاق تنين تنين ما حدا عارف لوين

ميس الريم - حبو بعضن - الأخوين رحباني
بيقولوا الحب بيقتل الوقت و بيقولوا الوقت بيقتل الحب
يا حبيبي تعا تا نروح قبل الوقت و قبل الحب
بديت القصة تحت الشتي بأول شتي حبو بعضن
و خلصت القصة بتاني شتي تحت الشتي تركوا بعضن
حبو بعضن ... تركوا بعضن
يا حبيبي شو نفع البكي شو إلو معنى بعد الحكي
مازالا قصص كبيري و ليالي سهر و غيري بتخلص بكلمي زغيري
حبو بعضن ... تركوا بعضن
و كانت القصة تحت الشتي بأول شتس حبو بعضن
و خلصت القصة بتاني شتي تحت الشتي تركوا بعضن
حبو بعضن ... تركوا بعضن

ميس الريم - كنا نتلاقى - الأخوين رحباني
كنا نتلاقى من عشيي و نقعد على الجسر العتيق
و تنزل على السهل الضباب تمحي المدى و تمحي الطريق
ما حدا يعرف بمطرحنا غير السما و ورق تشرين
و يقلي بحبك أنا بحبك و يهرب فينا الغيم الحزين
يا سنين اللي رح ترجعيلي ارجيلي شي مرة ارجعيلي
و انسيني عاباب الطفولي تا أركض بشمس الطرقات
يا سنين اللي رح ترجعيلي ارجيلي شي مرة ارجعيلي
و رديلي ضحكات اللي راحوا اللي بعدا بزوايا الساحات
بتذكر شو حكيوا عليي لما نطرت و إنتا نسيت
و صار الشتي ينزل عليي و إجا الصيف و إنتا ما جيت

ميس الريم - يا مارق عالطواحين - الأخوين رحباني
يا مارق عالطواحين و الميي مقطوعة
خايف لتدور الطواحين و الحلوايي توعى
يا مارق من هاك الحي صوب النبعة جايي
عامهلك لا تخلي الميي تهدر بالقناني
في حلوي عشقانة خطيي بالنوم مخبايي
بين الشمس و بين الفي غرتها مزروعة
يا قلبي إلنا شهرين و الحب مجافينا
نحزن كل ما شفنا تنين و يا مين يسلينا
و الحلوي عندا قلبين عم تتمغضأ فينا
اخرتا رح تهرب وين و لعنا مرجوعة

ميس الريم - ستي يا ستي - الأخوين رحباني
ألو .. ألو .. كحلون؟ ستي؟
ستي يا ستي شتقتلك يا ستي علي صوتك صوتك بعيد
جايي من الكرم جايي من التفاح
صوتك حامل شمس و فيي لون التين و الزيتون و ريحة الطيوب يا ستي
ايه يا ستي ما حدا ينطرني لا تأجلوا العرس يمكن طول
و شو هم الفستان قولي للعروس إنتي الزيني و إنتي العرس
و سلميلي كتير كتير و ما بقى بكير يا ستي
بذكر الليالي الطويلي و أنا طفلي بالزمان
و قصص الشتي يحكيلي صوتك اللي كلو أمان ... أه
أيه يا ستي شو بقلك يا ستي؟ إنتو بقلبي
و قولوا زيون جايي و منا جايي هون و منش هون
عم بتغني للعروس و للعريس بالساحات و من خلف الطرقات يا ستي

بترا - بكرا لما بيرجعوا الخيالة - الأخوين رحباني
بكرا لما بيرجعوا الخيالي بترجع يا حبيبي
بكرا و الجواهر الغوالي بشعرك يا حبيبي
حبك على بالي و سهرات الليالي
بكرا لما بيرجعوا الخيالي بترجع يا حبيبي
توجوني بالضجيج و قالوا تركنا أسامينا
و حبك اللي شارد لحالو رحلة بلا مينا
نسيتني القصيدي و الزهرة الوحيدي
و توجوني بالضجيج و قالوا تركنا أسامينا
يا جبال العلياني العلياني حاكيني
و يا نجمي سهراني سهراني اذكريني
أنا على باب الشوق و الريح يا ليل
أنا على باب الرمل و العمر يا ليل